Breaking News 2

काठमाडौँ । काठमाडौँ महानगरपालिकाको नेतृत्व सम्हाल्दा विदेशी कूटनीतिज्ञहरूसँगको भेटघाटमा प्रायः सतर्क र सामूहिक कूटनीति रुचाउने प्रधानमन्त्री वालेन्द्र (बालेन) शाहले सिंहदरबार प्रवेशसँगै आफ्नो कार्यशैलीमा नयाँ आयाम थपेका छन्। पदभार ग्रहण गरेपछि पहिलोपटक विदेशी राजदूतसँग एक्लाएक्लै भेटवार्ता गर्दै प्रधानमन्त्री शाहले नेपालका लागि भारतीय राजदूत नवीन श्रीवास्तवसँग उच्चस्तरीय संवादको सुरुआत गरेका हुन्। यसअघि महानगर प्रमुख रहँदा विदेशी कूटनीतिज्ञहरूसँग व्यक्तिगतभन्दा पनि सामूहिक भेटलाई प्राथमिकता दिँदै आएका शाहको भारतीय राजदूतसँगको यो पहिलो 'वान टु वान' संवादलाई राष्ट्रिय तथा अन्तर्राष्ट्रिय स्तरमा चासोका साथ हेरिएको छ। ​सिंहदरबारस्थित प्रधानमन्त्री तथा मन्त्रिपरिषद्को कार्यालयमा सोमबार मध्याह्न भएको उक्त शिष्टाचार भेटवार्तामा दुवै पक्षबीच नेपाल-भारत सम्बन्धलाई नयाँ उचाइमा पुर्‍याउने विषयमा गहन छलफल…